livemarks sitemap
Երկուշաբթի, Սեպտեմբերի 16, 2019

bjiskՍառն ըմպելիքը, ուտեստը, պաղպաղակը կարող են հիվանդության սրացման պատճառ դառնալ, եթե խնդիրներ կան քմային նշիկների (գլանդների) հետ, հատկապես, երբ բժշկական քննության արդյունքում Ձեզ տոնզիլիտ են ախտորոշել:

Քիթ-կոկորդ-ականջաբան ՀԱՅԿ ՊՈՂՈՍՅԱՆԸ ՛Զարուհու՛ հետ զրույցում նշեց,  որ բժշկական գրականության մեջ, ի դեպ, չկա ՛գլանդներ՛ անվամբ հասկացողություն, այն ժողովուրդն է հորինել:

Հարցին, թե ի՞նչ դեր ունեն քմային նշիկները մեր օրգանիզմում, բժիշկ Պողոսյանը պատասխանեց. ՛Քմային նշիկները իրենցից ավշային հյուսվածք են ներկայացնում եւ պատասխանատու են օրգանիզմի դիմադրողականության համար: Ավշային հյուսվածքներ օրգանիզմում շատ կան` կոկորդում, աղիներում, մարմնի բոլոր մասերում: Քմային նշիկները ապահովում են հակամարմինների, իմունային բջիջների արտադրությունն օրգանիզմում, որոնք պայքարում են վարակի դեմ: Ուստի, կարելի է ասել, որ նրանք ունեն պաշտպանիչ դեր»:

Ըստ Հ. Պողոսյանի` քմային նշիկների քրոնիկական բորբոքումը կոչվում է տոնզիլիտ: Այն երկու ձեւի ընթացք կարող է ունենալ` քրոնիկական եւ սուր:

՛՛Քրոնիկական տոնզիլիտը` քմային նշիկների քրոնիկ բորբոքումն է, որը կարող է նաեւ ընթանալ տոքսիկ-ալերգիկ բաղադրիչով»,- ընդգծեց մասնագետն ու թվարկեց հիվանդության առաջացման բուն պատճառները: Հ. Պողոսյանը պնդեց, որ հիմնական պատճառը օրգանիզմի սառեցումն է, հաճախակի սառը հեղուկների օգտագործելը, ընդհանուր օրգանիզմի դիմադրողականության թուլացումը: Ի դեպ, բժիշկը օրգանիզմի դիմադրողականության թուլացումը տարբեր պատճառների հետ է կապում. հաճախակի հիվանդացությունների, մրսածության, կենցաղային անբարենպաստ պայմանների` խոնավություն, ինֆեկցիաների ու վիրուսների...

Բժիշկը փաստեց, որ քրոնիկական տոնզիլիտի սրացման մասին կհուշի այն փաստը, եթե դուք տարեկան մի քանի անգամ հիվանդանում եք անգինայով, որն ուղեկցվում է բարձր ջերմաստիճանով, կոկորդի ցավով, նշիկների վրա թարախաբշտիկների առաջացմամբ:

haik pogosyanՀ. Պողոսյանն զգուշացնում է. ՛՛Երկար ժամանակ չբուժված տոնզիլիտը կարող է բերել ռեւմատիզմի,  հոդաբորբերի, երիկամների ախտահարման, որոնք օրգանիզմի համար վտանգավոր բարդություններ են»:

Հարցին, թե ե՞րբ է հիվանդին ցուցվում հեռացնել քմային նշիկները, բժիշկն ասաց. ՛՛Վիրահատությունը սովորաբար ցուցված է լինում կատարել այն ժամանակ, երբ հիվանդը 2-3 անգամ նախկինում կոնսերվատիվ բուժում է ստացել. hակաբիոտիկներ է ընդունել, տեղային միջոցառումներ են անցկացվել, բայց շարունակում է հիվանդանալ անգինայով, կա թուլություն, քրտնարտադրություն, ջերմում է, ինքնազգացողությունը վատ վիճակում է, ապա, այո, ցուցված է վիրահատություն՛՛:

Բժիշկը, ի դեպ, նշեց, որ քմային նշիկների հեռացումը տեւում է 10-20 րոպե:  Վիրահատությունն անցկացվում է տեղային կամ ընդհանուր անզգայացման եղանակով` ըստ հիվանդի ցանկության: ՛՛Փոքրիկներին խորհուրդ ենք տալիս վիրահատությունն անցկացնել միայն ընդհանուր անզգայացման եղանակով, ինչը փոքրիկին զերծ կպահի հետագա հոգեբանական անցանկալի խնդիրներից՛՛,- եզրափակեց բժիշկը:


 

ՕԳՏԱԿԱՐ ԽՈՐՀՈՒՐԴՆԵՐ` ԸՍՏ ՀԱՅԿ ՊՈՂՈՍՅԱՆԻ

1. Խորհուրդ է տրվում փոքր հասակից կոփել օրգանիզմը: Ջրային միջոցառումներ անցկացնել. կոնտրաստային ցնցուղ` տաքից սառը:

2. Հաճախակի զբոսնել մաքուր օդում:

3. Խուսափել մրսածությունից:

4. Օգտագործել վիտամիններով հարուստ սնունդ:


Նյութը` ՎԼԱԴ ՄՈՒՐԱԴՅԱՆԻ



Մեկնաբանել


Անվտանգության կոդ
Վերաբեռնել

TOP 20

Վերջին մեկնաբանվածները

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում