corenԱծիկը պատրաստում են գարնանային ցորենով: Ցորենը լվանում եւ լցնում են ուռենու ճյուղերից պատրաստված զամբյուղների մեջ եւ դնում  մութ տեղ:

Երկու օրը մեկ ջուր են շաղ տալիս ցորենի վրա: Ցորենը պետք է ծլի այնքան, մինչեւ ծիլերի բարձրությունը հավասարվի չորս մատի: Ծիլերից աղալու, ծեծելու կամ այլ միջոցով  ստանում են հյութ, որի վրա ալյուր են լցնում եւ փայտե շերեփով խառնում  այնքան,  մինչեւ  դառնա  ծորուն զանգված: Այնուհետեւ դնում են կրակի վրա եւ խառնելով եփում: