livemarks sitemap
Կիրակի, Հունվարի 19, 2020

H.pogosyamՎերջերս ՀԿԿ Կենտկոմի առաջին քարտուղար Ռուբեն Թովմասյանը բաց նամակներ էր հղել ՀՀ ոստիկանապետին, քաղաքապետին ու ՀՀ մշակույթի նախարարին ու կրկին բարձրաձայնել երջանկահիշատակ երգչուհի Լուսինե Զաքարյանի եւ նրա ամուսնու` Խորեն Պալյանի բնակարանը ավերումից ու թալանից փրկելու հարցը:

Սակայն, ի պատասխան, դեռ որեւէ կառույց չի արձագանքել Ռ.Թովմասյանին: Այս հարցի շուրջ «Զարուհի»-ն զրուցեց ՀՀ մշակույթի նախարար ՀԱՍՄԻԿ ՊՈՂՈՍՅԱՆԻ հետ:

-Տիկին Պողոսյան, Կոմկուսի առաջին քարտուղարը նամակ էր հղել Ձեզ` Լուսինե Զաքարյանի բնակարանի հետ կապված, հարցի վերստին բարձրացումը կարո՞ղ է որեւէ բան փոխել:

- Մենք այնքան ենք այդ հարցը պարզաբանել, որ արդեն չգիտեմ ինչ ասեմ: Դա ժառանգված մասնավոր սեփականություն է: Կարծում եմ` այստեղ մեկ անգամ եւս բոլորը պետք է հասկանան մի հարց, որ, եթե մեզ պաշտոնապես փոխանցեցին կամ գոնե ցանկություն հայտնեցին պետության կողմից մասնավոր համագործակցությամբ այդ խնդիրը լուծելուն, մենք պատրաստ ենք դրան: Որովհետեւ այդ պատրաստակամությունը միայն մեր խոսքով չէ, մենք արդեն մի քանի նմանատիպ օրինակներ ունենք, եւ պետությունը առանց սեփականության իրավունքի փոխանցման` իրականացրել է այդ համագործակցությունը: Ես սա ամեն անգամ շեշտում եմ, որ մենք չենք ասում բնակարանն իր եղածով պետք է փոխանցվի պետությանը, բայց ասում ենք, որ պետք է ստեղծվի հիմնադրամ, ինչպես ստեղծվեց Սիլվա Կապուտիկյանի, Հարություն Կալենցի, հիմա Լուսիկ Ագուլեցու, Բենիկ Պետրոսյանի դեպքում: Այսինքն` ձեւը կա, ընդամենը պետք է, որ ժառանգներից որեւէ մեկը մտնի մեզ հետ գործընթացի մեջ:

- Ամեն դեպքում, «սայլը տեղից չի շարժվում»:

Lusine Zaqaryan- Բացարձակապես, չի շարժվում: Մենք սպասում ենք, որ այդ կարգի որեւէ դիմում լինի: Առավել եւս, որ սկզբնական շրջանում այդ դեպքերից հետո մենք զրույցներ ունեցանք, բայց որեւէ քայլ չկա: Ես նորից իմ պատրաստակամությունն եմ հայտնում, երբ լինի այդ քայլը, մենք անմիջապես կմտնենք այն գործընթացի մեջ, որը կապահովի երաշխիքները, իսկապես, այդ տաղանդավոր, հանճարեղ երգչուհու ժառանգության պահպանման:

Ի դեպ, «Իրավունքը» հերթական անգամ փորձեց կապ հաստատել Խորեն Պալյանի եղբորորդու` Սարգիս Պալյանի հետ, սակայն վերջինս իր բջջային հեռախոսն ընդհանրապես անջատած է պահում, իսկ աշխատանքային վայրի ու տան հեռախոսահամարները նույնքան անտարբեր ու լուռ էին, որքան տերերը: Ինչեւէ, այսպես որ շարունակվի Սարգիս Պալյանը երեւի ազգանունից էլ կհրաժարվի, միայն թե իրեն չդիմեն հորեղբոր բնակարանը թանգարանի վերածելու հարցով: Հետաքրքիր է, գոնե Պալյանները հիշո՞ւմ են իրենց մեծահոգի հորեղբորը, ով իրենց է ժառանգել ամենանվիրականը` այն բնակարանը, որտեղ ստեղծագործել ու հոգ է տարել սիրելի կնոջ մասին, թե՞ վաղուց արդեն «ամերիկաֆիկացված»՚ բարեկամները միայն դոլարներով են հաշվում հարազատություն անելը:

ՀՐԱՆՏ ՍԱՐԱՖՅԱՆ

Մեկնաբանել


Անվտանգության կոդ
Վերաբեռնել

TOP 20

Վերջին մեկնաբանվածները

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում