altՍտամբուլի 2-րդ ընտրատարածքից Ժողովրդահանրապետական կուսակցության կողմից կրկին պատգամավորի թեկնածու է առաջադրվել ազգությամբ հայ իրավաբան Սելինա Օզուզուն Դողանը։

Թուրքիայում նոյեմբերի 1-ին տեղի ունենալիք վաղաժամ ընտրություններին մասնակցելու համար ընդդիմադիր Ժողովրդահանրապետական կուսակցությունը պատգամավորի թեկնածուների ցանկը հանձնել է Կենտրոնական ընտրական հանձնաժողով։

Աչքի է ընկել այն հանգամանքը, որ հունիսի 7-ին տեղի ունեցած ընտրություններում խորհրդարան անցած Սելինա Դողանը կրկին ներկայացվել է պատգամավորի թեկնածու ցուցակի անցողիկ տեղում։

Հայուհին ծնվել է 1977-ին, Ստամբուլում: Ամուսնացած է, ունի երկու երեխա: Աշխատում է փաստաբանական գրասենյակում: Հայերենից եւ թուրքերենից բացի տիրապետում է նաեւ անգլերենին եւ ֆրանսերենին: