livemarks sitemap
Ուրբաթ, Դեկտեմբերի 06, 2019

terterՀարցեր Ապարան քաղաքի հոգեւոր հովիվ Տեր ՕՇԻՆ քահանա ՀԱՅՐԱՊԵՏՅԱՆԻՆ

«Զգույշ եղեք սուտ մարգարեներից, որոնք մոտենում են ձեզ ոչխարների զգեստներով, բայց ներսից հափշտակող գայլեր են»

(Մատթ. 7:15)

- Օրհնեցեք Տեր Հայր:

- Աստված օրհնի:

- Տեր Հայր, այսօր, ցավ ի սիրտ, օրեցօր շատանում է աղանդավորների թիվը: Եվ կա աղանդավորների մի գերակշռող մաս, որոնց ամենուրեք կարելի է հանդիպել` փողոցում, տրանսպորտում, ինչու ոչ, նաեւ անկոչ հյուրի պես կարող են ամիսը մի քանի անգամ թակել տանդ դուռը: Ինչպե՞ս տարբերենք` նրանք աղանդավո՞ր են, թե՞ Հայ առաքելական սուրբ եկեղեցու հավատավոր զավակ:

- Այո, տեղին նշեցիք, ցավոք շատանում են աղանդավորները: Բայց դա չի նշանակում, որ մենք պետք է ընկճվենք եւ ընկնենք մտորումների գիրկը, այլ ընդհակառակը` հենց մեր ճիշտ ապրելակերպով պետք է կարողանանք լինել «բարի վիրուս» եւ դիմացինի հոգում սերմանենք սեր դեպի ազգիս` Հայ առաքելական սուրբ եկեղեցին:

Եվ երբ այդ «կեղծ քարոզիչները»` աղանդավորները, մոտենում են Ձեզ, անմիջապես հարց հղեք իրենց, թե վերջին անգամ ե՞րբ են գնացել Մայր Եկեղեցի` Հայ առաքելական եկեղեցի եւ արդյոք քահանայից ստացել են օրհնություն: Այ, այս հարցադրումով արդեն իրենք կհասկանան, որ դուք մեր եկեղեցու զավակն եք եւ ունեք զգուշավորություն:

- Իսկ նվիրում են իրենց գունազարդ եւ գրավիչ գրքերից ու բրոշյուրներից, ի՞նչ անել, հրաժարվե՞լ այդ «նվերից», թե՞ վերցնել եւ ընթերցել:

- Խնդրում եւ պահանջում եմ, որ եթե Ձեր կյանքում գոնե մեկ անգամ չեք կարդացել Աստվածաշունչը, ապա, ըստ իս, ճիշտն այն է, որ հրաժարվեք այդ գայթակղիչ ու գեղեցիկ նվերից: Այս դեպքում` տեղին կլինի, եթե չվերցնեք ու չընթերցեք:

- Տեր Օշին, իսկ եթե ես քիչ թե շատ գիտեմ Սուրբ գիրքը, եւ ինձ հետաքրքիր է, թե այնտեղ ինչ է գրված, արդյո՞ք սխալ է վերցնել այդ «նվերը» եւ ընթերցել:

- Իհարկե, այս դեպքում սխալ չէ, բայց խորհուրդս այն է, որ երբ կվերցնեք եւ կընթերցեք, դրանից հետո իրենց «կեղծ գրքերը» չնվիրեք մեկ այլ ուրիշի: Պարզապես, ընթերցելուց հետո դեն նետեք:

- Տեր Հայր, իրենց գրքերում էլ կա գրված Աստծո մասին: Վերջերս նկատել եմ, որ գրեթե քիչ է տարբերվում իրական Սուրբ գրքից, մենք ինչպե՞ս տարբերենք իրենց կեղծ գիրքն իրականից:

- Տեղին հարց է, բացում եք իրենց Չաստվածաշունչը ու առաջին էջում փնտրում եք Հայ առաքելական սուրբ եկեղեցու որեւէ կաթողիկոսի օրհնության խոսքը: Կամ փնտրում եք, թե որ թեմի եպիսկոպոսի օրհնությամբ է լույս տեսել: Եթե սա էլ չգտնեք, ապա այն կեղծ է, եւ Սուրբ գիրք չէ, որքան էլ որ մեծ-մեծ տառերով գրված լինի` Աստվածաշունչ: Նույնն էլ վերաբերում է իրենց գրքույկներին:

- Իսկ ինչպե՞ս պայքարենք ընդդեմ աղանդավորների, եւ արդյո՞ք հնարավոր է դարձի բերել նրանց դեպի Հայ առաքելական սուրբ եկեղեցին:

- Սա ամենացավոտ եւ բարդ հարցն է: Պետք չէ պայքարել ընդդեմ աղանդավորների, այլ պետք է օգնել, որպեսզի դարձիsekta գան դեպ Մայր եկեղեցի: Չէ՞ որ իրենք էլ են հայ, չէ՞ որ իրենք էլ են մարդ արարած եւ սիրված Աստծո կողմից: Եվ յուրաքանչյուրս ոչ թե մեկը մյուսին պետք է դատափետի, այլ ձեռք մեկնի` օգնի: Այսօր ամենահեշտն է դիմացինին մեղադրելը, իսկ դժվարը` օգնելը: Ուստի, եկեք ոչ թե մեկմեկու մեղադրենք, այլ գթասիրտ ու կարեկից լինենք: Աղոթեք աղանդավորների համար, խնդրեք Աստծուց, որ աղանդավորներին տա իմաստության շնորհ, որպեսզի դարձի գան դեպ Հայ առաքելական սուրբ եկեղեցին:

Թող որ յուրաքանչյուրս յուրովի մոտենանք այս հարցին, այսինքն` ամեն մարդ իր ներաշխարհով ու մասնագիտականով պայքարի այդ չարաբաստիկ հակաեկեղեցական երեւույթի դեմ: Պայքարի ոչ թե մեղադրելու, այլ օգնելու ու սիրելու մղումով. «Սիրեցէք զմիմեանս, չէ որ սերն է մեծագույնը» ( Ա. Կորնթ.13:13):

Հարցազրույցը վարեց

ԱՐԱՄ ուրարակիր ԳՅՈՒՐՋՅԱՆԸ

Մեկնաբանել


Անվտանգության կոդ
Վերաբեռնել

TOP 20

Վերջին մեկնաբանվածները

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում