livemarks sitemap
Շաբաթ, Օգոստոսի 24, 2019

serialԺամանակին հայտարարվել էր, որ ՙԳեներալի աղջիկը՚ հեռուստասերիալն ավարտվելու է 2012 թ. սեպտեմբերի 21-ին, սակայն այն շարունակվում է ցուցադրվել, ու, կարծես թե, վերջն էլ չի երեւում:

Ասում են, որ այն նվիրված է հայկական բանակին, սակայն սոցիալական ցանցերի օգտատերերից շատերը, կինոյին, բանակին մոտ կանգնած մարդիկ վաղուց են նկատել, որ այն բանակի հետ առանձնապես կապ էլ չունի: Ու նրանցից մեկը իրավացիորեն հարց է տալիս. ՙԻնչն է որեւէ  իմաստ  չունեցող սերիալի ձգձգման պատճառը, երբ արդեն ասելիք  չկա: Հենց սկզբից հայտարարվեց, որ սերիալի հիմքում դրված է հայրենասիրության ոգին, բայց, այս ամենին զուգահեռ, գուցե ակամայից, ապացուցվեց, որ գեներալների բարեկամները բանակում չեն ծառայում՚:

Հայաստանի կոմպոզիտորների միության նախագահ ՌՈԲԵՐՏ ԱՄԻՐԽԱՆՅԱՆԸ մեր թերթին տված հարցազրույցում անդրադարձել էր նաեւ հեռուստասերիալների թեմային. ՙՀարցազրույց եմ տալիս նախագահական ընտրություններից առաջ Նվեր Մնացականյանին: Հայտարարվեց, որ երեկոյան պիտի եթեր գնա հաղորդումը, եղավ 11:30, բայց չկար, 12:30՝ էլի չկար: Այնինչ, այն նախընտրական քարոզարշավի բաղկացուցիչ հարցազրույցներից մեկն էր: Զանգահարում ու հարցնում եմ, թե ինչու մինչեւ հիմա հարցազրույցը չկա, ասում են` որովհետեւ սերիալ է գնում: Որեւէ երկրում նման բան պատկերացնելն անհնար է: Երբ նախագահի մասին խոսք է գնացել, եւ պետական ալիքը, որ սնվում է պետական օգնության կողմնորոշման հաշվին, պետական խնդիրները հաղորդելու համար ժամ չունի, եւ պատճառաբանում են, թե սերիալ է գնում: Դա մեզ դարձնում է վաշխառուական, նվաստ երկիր: Ամեն անգամ այդ սերիալների համար 22 մլն դրամ գումար է բաց թողնվում, պետությունից գնում է այդ գումարը ամեն երեկո, ամեն ֆիլմի համար՚:  

 ՌՈՒՍԼԱՆ ԹԱԹՈՅԱՆ

Մեկնաբանել


Անվտանգության կոդ
Վերաբեռնել

TOP 20

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում