livemarks sitemap
Չորեքշաբթի, Հոկտեմբերի 16, 2019

Ani2Հունիսի 21-ին ՙՉենք լռելու՚ նախաձեռնության YouTube-ի ալիքում տեղի ունեցավ նախաձեռնության կողմից պատրաստված ՙԱնի. նեղացնել ավերակների թագուհուն՚ վավերագրական ֆիլմի առցանց պրեմիերան` հայերեն եւ ռուսերեն: Ֆիլմը նկարահանել են ՙՉենք լռելու՚-ի երիտասարդները` Արեւմտյան Հայաստան կատարած ուխտագնացության ընթացքում:

Ժապավենում ցույց է տրված, թե ինչ ողբալի վիճակում է հայտնվել հայկական մշակութային ժառանգությունը թուրքերի ձեռքում` միջազգային կառույցների քար լռության պայմաններում:

Նախաձեռնության անդամները նկարահանած կադրերը` կից գրության հետ միասին, ուղարկել են ՅՈՒՆԵՍԿՕ-ին` պահանջելով գործուն քայլեր ձեռնարկել Անիի ավերակների պահպանման ուղղությամբ:

ՀՀ նախագահին կից Հանրային խորհրդի կրոնի, սփյուռքի եւ միջազգային ինտեգրման հանձնաժողովի պատմական-ազգային արժեքների, հուշարձանների  պահպանության, պատկանելության եւ օգտագործման խնդիրների ենթահանձնաժողովի նախագահ ԺԱՍՄԻՆ ԱՍՐՅԱՆԸ mardik.am-ի հետ զրույցում հայտնել է, որ ենթահանձնաժողովի բոլոր անդամների կողմից միաձայն որոշված է` ձեռնարկել անշարժ եւ բնության հուշարձանների ցուցակագրումը, անձնագրավորումը, եւ կառավարությանը ներկայացնել, որպեսզի դրանք պետության պահպանության տակ առնվեն: Նա հայտնել է, որ, եթե լինում են հարցեր, իրենց նիստերին անպայման հրավիրում են նաեւ մշակույթի նախարարության ներկայացուցիչներին:

Ըստ Ժասմին Ասրյանի, ոչ միայն Հայաստանի հուշարձաններն են ցուցակագրվելու, այլ նաեւ արտերկում գտնվող հուշարձանները, այդ թվում նաեւ` Արեւմտյան Հայաստանում գտնվողները, սակայն դեռ պետք է որոշ խնդիրներ լուծել:

Լրատվամիջոցի այն հարցին, թե արդյոք անհրաժեշտ չէ±ր, որպեսզի մշակույթի նախարարությունն ավելի վաղ զբաղվեր այդ հարցով, Ժ. Ասրյանը պատասխանել է, որ այդ հարցը պետք է տալ մշակույթի նախարարությանը:

Վերոնշյալի  մասին կարծիք իմանալու ակնկալիքով դիմեցինք հուշարձանագետ ՍԱՄՎԵԼ ԿԱՐԱՊԵՏՅԱՆԻՆ:

- Այդ ֆիլմը չեմ տեսել, ուստի, բնական է, չեմ կարող ասել, թե ինչքանով գրագետ աշխատանք է կատարվել:

- Ֆիլմը մի կողմ թողնենք եւ խոսենք ընդհանրապես Թուրքիայում հայկական հուշարձանների ոչնչացման մասին: Ի±նչ պետք է արվի, որը չի արվում, ո±ւմ պետք է դիմենք, ճի±շտ է ՅՈՒՆԵՍԿՕ-ին դիմելը: Թե± պետք է պետական մակարդակով հարցը բարձրացվի, չնայած, իհարկե, մեր երկրների միջեւ գոյություն չունեն դիվանագիտական հարաբերություններ:

- Անիի պահպանության, պաշտպանության ջատագովը պետք է ինքը իր նկարագիրն ունենա: Ճիշտն ասած, մենք հիմա այնպիսի վիճակում ենք, որ այդ քայլը չի ընկալվի: Այդ նույն Թուրքիան այստեղ մի քանի բան մատնացույց կանի եւ կասի` այս վիճակում որ դուք ձեր հուշարձանները պահում եք, մեզնից էլ ի±նչ եք պահանջում:

- Այսինքն` մենք մեզ մոտ կարգավորենք, ապա նոր միայն նրանցից պահանջե±նք:

- Ումից ենք պահանջում, Թուրքիայից: Մինչդեռ մեր երկիրը 1920 թվականից օկուպացված է, բայց մենք դա էլ չենք գիտակցում ու երբեք դա չենք բարձրաձայնել: Ինչպես 1974 թվականից Կիպրոսն է օկուպացված, նույն կարգավիճակում ենք մենք: Եվ պահանջում ենք օկուպացնողից, որ պահպանե±ն մեր հուշարձանները: Եվ հենց այս պատճառով լուրջ չեմ ընդունում Անիի վերաբերյալ ֆիլմը, նախաձեռնությունները... Դրանք քամիներ են...


Ռ. ԹԱԹՈՅԱՆ

Մեկնաբանել


Անվտանգության կոդ
Վերաբեռնել

TOP 20

Վերջին մեկնաբանվածները

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում