altՀայկական ծագում ունեցող հանրահայտ երգչուհի ՇԵՐԸ (Շերիլին Սարգսյան) հրաժարվել է մասնակցել Սոչիում կայանալիք Ձմեռային Օլիմպիական խաղերի բացման արարողությանը՝ ի նշան այդ երկրում միասեռականների վերաբերյալ օրենքի դեմ բողոքի, հայտնում է Daily Mail-ը։  
67-ամյա երգչուհին, ում դուստրը, ի դեպ, սեռափոխվել է 2010թ.՝ վերածվելով տղամարդու, հրաժարվել է առաջարկից՝ պատճառաբանելով, որ դեմ է այս տարվա հունիսին Ռուսաստանում ընդունված օրենքին, որով արգելվում է 18 տարեկանից ցածր երեխաների հետ խոսել միասեռականությունից։ 
«Ես չեմ կարող անուններ նշել, սակայն ընկերներիցս մեկը, ով այնտեղ շատ ազդեցիկ օլիգարխ է, զանգահարեց ու խնդրեց ինձ մասնակցել Օլիմպիական խաղերի բացմանը։ Բայց ես անմիջապես հրաժարվեցի՝ հաշվի առնելով Ռուսաստանում միասեռականների նկատմամբ ձևավորված ատելության մթնոլորտը»,-ասել է երգչուհին։
ՆՈՒՆԵ ՉՈԲԱՆՅԱՆ