alt«ArtReview» անգլիական պարբերականը հրապարակել է արվեստի աշխարհում 100 ամենաազդեցիկ մարդկանց անունները:

Ըստ պարբերականի` առաջին տեղում  Լոնդոնի Թեյդ պատկերասրահի տնօրեն Նիկոլայ Սերոտան է, երկրորդ եւ երրորդ տեղերը, ինչպես 2013 թվականին, այս տարի եւս զբաղեցնում են Դեյվիդ Ցվիրները եւ Այվան Վիրտը: Նկարչուհի Մարինա Աբրահամովիչը կանանց շրջանում ճանաչվել է ամեաազդեցիկ կին արվեստագետը: Վարկանշային աղյուսակում նա զբաղեցրել է հինգերորդ հորիզոնականը: Այս ցուցակում է հայտնվել նաեւ ուկրաինացի կոլեկցինոեր, «Պինչուկ» արվեստի կենտրոնի ղեկավար Վիկտոր Պինչուկը:

Ի տարբերություն նախորդ տարիների, այս տարի վարկանշային աղյուսակում նշված չէ ռուս որեւէ արվեստագետի անուն:

«ArtReview» պարբերականը հիմնադրվել է 1949 թվականին: Այսօր պարբերականը մեկ տարվա ընթացքոմ հրատարակվում է ինն անգամ եւ տարածվում աշխարհի 28 երկրներում:


ԶՎԱՐԹ ԽԱՉԱՏՐՅԱՆ