altՌուսական «Անիմակորդ» ստուդիան նկարահանել է «Մաշան եւ արջը» մուլտֆիլմի 52-րդ սերիան: Մուլտֆիլմի ստեղծագործող անձնակազմն առայժմ չի նախատեսում հաջորդ սերիաների նկարահանումները: Մուլտֆիլմի պրոդյուսեր Դմիտրի Լովեյկոն հայտնել է, որ «Անիմակորդի» ֆինանսական միջոցները սուղ են եւ հնարավոր է բավարար ռեսուրսներ չլինեն նոր սերիաներ նկարահանելու համար.

«Չնայած մուլֆիլմի բարձր վարկանիշի, առայժմ որոշում չենք կայացրել`կնկարահանեք մուլտֆիլմի երրորդ սեզոնի սերիաները, թե′ ոչ: Առայժմ մեր ուժերն ենք հավաքում»,-նշել է Դ. Լովեյկոն: Նրա խոսքով` ստուդիան արդեն աշխատում է մեկ այլ `«Սարսափելի մեքենաներ» եւ «Հեքիաթային մեքենաներ» նախագծի վրա:

«Մաշան եւ արջը» մուլտֆիլմը նկարահանվել է 2009 թվականին, մուլտֆիլմի մտահաղացումը պատկանում է ստուդիայի գեղարվեստական ղեկավար Օլեգ Կուզովկովին, նախագծի գաղափարը նա առաջարկել է դեռեւս 1996 թվականին:

ԶՎԱՐԹ ԽԱՉԱՏՐՅԱՆ