livemarks sitemap
Հինգշաբթի, Հոկտեմբերի 17, 2019

noradzev«Sukier  Model International» միջազգային մոդելային գործակալության կոորդինատոր, scout  մոդել ԴԱՎԻԹ ՂԱՐԻԲՅԱՆԻ գլխավորությամբ, այս տարի եւս հայաստանյան  պատվիրակությունը Իսպանիայում մասնակցեց «Կոստա Բլանկա միջազգային նորաձեւության դիզայներական շաբաթ - Աշխարհի լավագույն կին եւ տղամարդ մոդել» միջազգային նորաձեւության մրցույթ-փառատոնին:  Ճարտարագետ-նախագծող, նկարիչ-մոդելավորող դիզայներ ԱԼԻՍԱ ՀԱՐՈՒԹՅՈՒՆՅԱՆԸ, ով Հայաստանում ունեցել է 22 ցուցադրություն, որից 11-ը անհատական, փառատոնի ընթացքում ներկայացրեց իր «Հավերժություն» հավաքածուն.

-Ներկայացրել եմ 28 լողազգեստ եւ 23 երեկոյան զգեստ: Զգեստները բաղկացած են ամառային տարբեր գույներից: Հավաքածուն պատրաստել էի հատուկ այդ մրցույթի համար, բոլորովին նոր հավաքածու է եւ դեռ Հայաստանում չի ցուցադրվել: Հուսամ, սեպտեմբեր ամսվա ընթացքում հավաքածուիս ցուցադրությունը կլինի նաեւ Հայաստանում: Փառատոնի ժամանակ՝ որպես լավագույն դիզայներ, ունեցա երկրորդ բոնուս-ցուցադրություն: Եվ այդ  անգամ Լեյմ դիզայների հետ միքս-ցուցադրություն կազմակերպեցինք՝ ներկայացնելով լողազգեստներ ու երեկոյան փեշավոր զգեստներ: Շատ գոհ եմ մրցույթ-փառատոնի մասնակիցների մարդկային հատկանիշներից:Բացարձակ նախանձ չունեին մեկը մյուսի հանդեպ, հակառակը, աջակցում էին միմյանց: Օրինակ, Ֆիլիպինների դիզայներն ինձ առաջարկեց իմ լողազգեստների հետ ցուցադրեմ իր աքսեսուարները ու շատ հետաքրքիր ստացվեց:

- Ալիսա, մասնակցելով միջազգային բավական հայտնի մրցույթի՝ որեւէ գործնական առաջարկ ստացա՞ք:

 - Նախ մրցույթ-փառատոնի գլխավոր կազմակերպիչ Sukier-ի հետ  պայմանավորվածություն ձեռք բերեցի, որ մյուս տարի կրկին մասնակցեմ եւ նորից ցուցադրվեն իմ հագուստները: Ինչպես նաեւ իսպանական հայտնի web-կայքում պետք է տեղադրվեն իմ հագուստներն ու վաճառվեն:

 - Տեսնելով մի շարք երկրների դիզայներների ներկայացրած հավաքածուներն ու անհատապես շփվելով նրանց հետ՝ ինչ-որ փոփոխություններ կմտցնե՞ք Ձեր հավաքածուի մեջ:

 - Հաստատ ոչ, որովհետեւ իմ հավաքածուն իրենք շատ հավանեցին: Եթե փոփոխություն մտցնեն, գուցե իրենք կանեն իրենց հավաքածուներում: Փառատոնի ժամանակ, քանի որ բոլոր դիզայներների մեջ ամենափոքրը ես էի, սկզբում լուրջ չէին վերաբերվում, բայց ցուցադրությունից հետո զարմացած էին թե՛ մոդելները, եւ թե՛ դիզայներները:

- Ի դեպ, որքա՞ն ժամանակ է, որ Ալիսա Հարությունյանը նորաձեւության ասպարեզում «ճաշակ է թելադրում»:

 - Կարելի է ասել սկսած մանկապարտեզից զբաղվել եմ այս գործով: Սկզբում  տիկնիկներիս համար հագուստներ էի կարում: Իսկ տարիներ հետո երկու համալսարան ավարտեցի՝ Գեղեցիկ արվեստների ազգային ակադեմիան եւ Միջազգային կրթության ակադեմիան: Իհարկե, ծնողներիս օգնությամբ, գործունեությունս սկսել եմ 2006 թվականից իմ առաջին ցուցադրությամբ, այնուհետեւ 2008 թվականին «Բազե» համահայկական

 խաղերի ժամանակ գրավել եմ առաջին տեղը, ինչպես նաեւ մասնակցել եմ տարբեր փառատոնների ու միջոցառումների: Այսօր ունեմ 100-ից ավել զգեստներ՝ նորը չհաշված:

Ավելացնեմ նաեւ, որ անձամբ հագուստներս ես եմ նախագծում, կարում ու պատրաստում: Իսկ ցուցադրություններիս ժամանակ մոդելների make up-ը միայն Լիլիթ Արշակյանին եմ վստահում:

 - Ըստ Ձեզ, նորաձեւության ոլորտում Հայաստանը զարգացում կապրի՞:

 - Սա հիմնականում բոլոր հայ դիզայներների ցավոտ կողմն է, թե Հայստանում կզարգանա կամ չի զարգանա, բայց, իմ կարծիքով, չարժե ընկնել դրա հետեւից: Այսօր բոլորն էլ ուզում են լավ հագնվեն, աչքի ընկնեն, մանավանդ մեր հայ հասարակությունը ցուցամոլ  «խասյաթ» ունի, այնպես որ հաստատ կզարգանա, թեպետ ինձ ավելի շատ  իմ աշխատանքն է հետաքրքրում:

- Արդեն որոշակի փորձ ունենալով՝ ի՞նչ խորհուրդ կտաք հայ դիզայներներին, որոնք կներկայացնեն Հայաստանը տարբեր մրցույթներում կամ փառատոնների ժամանակ:

 - Խորհուրդ կտամ, որ ներկայացված հավաքածուի մեջ լինի տարազային զգեստներ, որովհետեւ մեր հայկական տարազը բոլորից լավն է ու աշխատատար իր զարդանախշերով, ձեռքի աշխատանքով: Իհարկե, սովորական տարազների մասին չէ խոսքը, այլ այնպիսի զգեստի, որի վրա դիզայները մի ամիս կարող է մանրակրկիտ աշխատել:

Հրանտ Սարաֆյան


{ignitegallery 19}

Մեկնաբանել


Անվտանգության կոդ
Վերաբեռնել

TOP 20

Վերջին մեկնաբանվածները

Նորություններ

Արդեն կրպակներում

Հումոր

humor

levgroup

poqrikner.am

poqrikner

Miss & Mister Z

miss-z

Коллекции КП

Մեր էջը Facebook-ում